الخميس، 11 أغسطس، 2011

يا شعب ياللي ناكر جميل

بتاريخ 9:31 م بواسطة احمد خيرى

يا شعب ياللي ناكر جميل

ازاي تخلي الزعيم ذليل

نسيتو انه بطل السلام
............
من انجازاته شد الحزام

غرقكو كوسة

فقر وعنوسة

تعليم وحوسة

جهل وزحام

يا شعب قوللي ازاي تعيش

معقول ضميرك خلاص مفيش

ونسيت تاريخه والانجازات

وامن دوله وزنزانات

وخضار مسرطن

وحشيش يسلطن

ووطن يطنطن

في الاغنيات

ياشعب فين الاصل فين

فرحان بسجنه طب يرضي مين

يا شعب اصحي

هو اللي ضحي

احلام وريثه

بإيديه دبحها

والغلطه انه

بشهامة منه

مش غصب عنه

سابنا وتنحي

نسيت ده كله

ورضيت بذله

مضطر اقولها

يا شعب ياللى

2 تعليق على "يا شعب ياللي ناكر جميل"

.
gravatar
HeBota يقول....

حلوة يا أحمد ماشاء الله واضح انك موهوب بجد .. عاش ياعم الاخوانى

أترك تعليقا